ආචාර්ය චරිත් වෑගොඩපොල ගිරාගම
උගත් බව බුධිමත් බව යන සාධක දෙකේ සහසම්බන්ධතාවය පවතින්නේ නිහතමානිකම යන සාධකය මතය. කන්ද උඩරට ප්‍රභූ පරපුරකට උරුමකම් කියන ආචාර්ය චරිත් වෑගොඩපොල ගිරාගම යනු එබඳු වු චරිතයකි.
චරිත් වෑගොඩපොල ගිරාගම ගේ පියාණන් වන්නේ රජයේ හා බලයලත් මිනින්දෝරුවෙක් ලෙස මාතලේ ප්‍රදේශයට කීර්තිමත් සේවයක් කළ, මාතලේ පලාපත්වෙල උඩුගම, ගිරාගම වලව්වේ, ජෝර්ජ් වේරගම ගිරාගම මහතාය. පියා ගේ පාර්ශවය, මහනුවර නගරයේ යටිනුවර වීදීයේ පිහිටි ගිරාගම වලව්වේ විසු, මහනුවර ශ්‍රී දළදා මාලිගාවේ සුවිශේෂී සහ කීර්තිමත් දියවඩන නිලමේ වරයෙකු වූ කුඩා මුදියන්සේ ගිරාගම දියවඩන නිලමේතුමාගේ පරපුරෙන් ඉඳුරාම පැවත එන්නන්ය.
චරිත් වෑගොඩපොල ගිරාගම ගේ මව වන්නේ මාතලේ උකුවෙල රත්වත්තේ, රත්වත්තේ වලව්වේ, චිත්‍රාංගලී නිරංජලි වෑගොඩපොල මහත්මියයි. මව ගේ පාර්ශවය ලංකාවේ අවසන් ආණ්ඩුකාරවරයා සහ ශ්‍රී ලංකාවේ පළමු සහ එකම විධායක නොවන ජනාධිපතිවරයා වූ විලියම් ගොපල්ලව මැතිතුමා ගේ අධි සහයක ලෙස ද රාජකාරි කළ, එතුමා ගේ සමීප ඥාතියෙක් වු ලුතිනන් කර්නල් (විශ්‍රාමික) ස්ටැන්ලි ලේනාඩ් වෑගොඩපොල මහතා ගේ පරපුරෙන් ඉඳුරාම පැවත එන්නන්ය.
චරිත් වෑගොඩපොල ගිරාගම විවාහ වී සිටින්නේ මාතලේ ගලේවෙල ප්‍රදේශයේ වනසිංහ පරපුරේ වනසිංහ මුදියන්සේලාගේ දිෂ්නා රුවනී වනසිංහ සමග වන අතර ඇය කොළඹ අනුලා විද්‍යාලයෙන් සිප් සතර හදාරා පසු ව කොළඹ විශ්ව විද්‍යාලයේ (University of Colombo) ගණිත අංශයෙන් ප්‍රථම උපාධිය (Bachelor of Science with a focus on Mathematics) සමත්ව ජපානයේ අයිසු විශ්ව විද්‍යාලයෙන් (The University of Aizu) පශ්චාත් උපාධිය (MSc in Computer Science and Engineering) සමත්ව පරිගණක විද්‍යාව සහ තොරතුරු තාක්ෂණ අංශයේ රැකියාවක් කරයි. චරිත් වෑගොඩපොල ගිරාගම පාසල් වයසේ පසු වන පිරිමි දරුවන් තිදෙනෙකුගේ පියෙකි
